राष्ट्रिय परीक्षा बोर्ड प्रदेश परीक्षा व्यवस्थापन कार्यालय पोखरा

राष्ट्रिय परीक्षा बोर्डको मातहतमा प्रत्येक प्रदेशमा एक एक वटा प्रादेशिक कार्यालय र ५ वटा शाखा कार्यालयहरु सञ्चालनमा छन् । गण्डकी प्रदेशको राजधानी पोखरामा अवस्थित प्रदेश परीक्षा व्यवस्थापन कार्यालय, गण्डकी प्रदेश, पोखरा, कास्की राष्ट्रिय परीक्षा बोर्डका ७ वटा प्रादेशिक कार्यालयहरु मध्येको एक हो । यसले साविकका गण्डकी र धवलागिरी अञ्चलका १० जिल्लाबाट कक्षा १२ को अध्ययन पूरा गर्ने विद्यार्थीहरुलाई ट्रान्सक्रिप्ट, माइग्रेशन, प्रोभिजनल र सप्लिमेन्ट्री प्रमाणपत्रहरु उपलब्ध गराउनुका साथै सम्बन्धित जिल्लाका शिक्षा विकास तथा समन्वय इकाइहरुसँग समन्वय गरी परीक्षाको व्यवस्थापन र सञ्चालन सम्बन्धी कार्यहरू गर्ने गर्दछ । यस कार्यालय विगत वर्षहरुमा पोखरा महानगरपालिका वडा नं. ७ बाट सञ्चालन हुँदै आएकोमा वि.सं. २०८० असार ३१ गतेदेखि पोखरा महानगरपालिका वडा नं. १, बगर, कास्कीमा रहेको आफ्नै भवनबाट सेवा प्रदान गर्दै आइरहेको छ ।